क्रांतिनगर येथील तलवार हल्ला प्रकरणी; तलवार गायब करणार्‍यास अटक
रत्नागिरी : शहरातील क्रांतिनगर येथे झालेल्या हल्ला प्रकरणी शहर पोलिसांनी हल्ल्यातील तलवार गायब करण्यास सशंयितांना मदत करणार्‍याला मंगळवारी रात्री अटक केली. आतापर्यंत एकूण 4 जणांना अटक करण्यात आली असून बुधवारी न्यायालयाने त्याला तीन दिवसांची पोलिस कोठडी सुनावली. नंदन उर्फ बंडू गोपीनाथ चव्हाण (वय 26, राहणार साठरेबांबर तेलीवाडी पाली, रत्नागिरी) असे अटक करण्यात आलेल्या चौथ्या संशयिताचे नाव आहे. यापूर्वी शहर पोलिसांनी गुरुनाथ प्रताप नाचणकर (वय 26, रा. मिरजोळे, रत्नागिरी), सुशिल सुनील रहाटे (वय 33, रा. लक्ष्मी नगर कोळंबे, रत्नागिरी) आणि सौरभ अर्जुन सावंत (वय 32, रा. सुपलवाडी नाचणे,रत्नागिरी) या तिघांना अटक केली असून त्यांनाही मंगळवारी न्यायालयाने पोलिस कोठडी सुनावलेली आहे. नंदन उर्फ बंडू चव्हाण याने राजेंद्र विटकरवर वार करण्यासाठी वापरलेली तलवार गायब करण्यास संशयितांना मदत केली होती. या प्रकरणी मंगळवारी रात्री नंदनला अटक करून बुधवारी न्यायालयात हजर करण्यात आले होते.
