आडिवरे येथे दुचाकीला अपघात, तिघे जखमी

राजापूर: तालुक्यातील कशेळी ते नाटे सागरी महामार्गावरून दुचाकीने ट्रिपल सीट घेऊन जात असताना आडिवरे येथील वळणावर गाडीवरचे नियंत्रण सुटल्याने अपघात झाल्याची घटना सोमवार 6 जून रोजी सायं. 6.30 वा. च्या सुमारास घडली. राजेंद्र दशरथ गिजम (वय 27), रोशन दिवाकर दळवी (वय 21), श्रेयस शैलेश बाणे (वय 22, तीनही रा. नाटे भराडीनवाडी, राजापूर) अशी जखमी झालेल्या तिघांची नावे आहेत. याबाबतची फिर्याद पोलीस हवालदार संजय झगडे यांनी नाटे पोलीस ठाण्यात दिली. त्यानुसार दुचाकीचालक राजेंद्र गिजम याच्यावर गुन्हा दाखल करण्यात आला आहे.