स्टेअरिंग लॉक झाल्याने दापोली एसटी बसला अपघात
दापोली : आगाराच्या बसला मंडणगड येथे जात असताना केळवत घाटात अपघात झाला. गाडीच्या चालकाचे गाडीवरील नियंत्रण सुटल्याने रस्त्याशेजारी असलेल्या संरक्षण भिंतीस धडक देऊन ही बस खोल दरीत कोसळली. झाडामध्ये बस अडकल्याने सुदैवाने मोठा अनर्थ टळला. याबाबत प्राप्‍त माहितीनुसार दि. 28 मे 2022 रोजी सकाळी 11.30 वाजण्याचा सुमारास ही घटना घडली. केळवत घाटातून गाडी मंडणगडकडे येत असताना गाडीचे स्ट्रेअरिंग लॉक झाल्याने बस चालकाचे नियंत्रण सुटून विरुध्द दिशेला असलेल्या कठड्याला धडक दिली.
