भोस्ते घाटात एसटीला टेम्पोची धडक; एकजण जखमी

खेड : खेडहून चिपळूणला जाणार्‍या एसटी बसला समोरून येणार्‍या टेम्पोने धडक दिली. मुंबई-गोवा राष्ट्रीय महामार्गावर रविवारी दि. 8 रोजी दुपारी 2.55 वाजण्याच्या सुमारास हा  अपघात घडला. यात एक जण जखमी झाला असून टेम्पो चालकाविरोधात गुन्हा दाखल करण्यात आला आहे. प्रमोद नागोराव डोंगरे (वय-37, एस.टी.डेपो खेड, जि.रत्नागिरी) हा आपल्या ताब्यातील एसटी बस (एमएच20, बीएल0876) ही मुंबई-गोवा हायवेने चालवित भोस्ते घाटातून जात होता. यावेळी चिपळूणकडून येणार्‍या टेम्पो टॅव्हल्ससोबत (एम.एच 04/ एफ.वाय 9192)धडक झाली. या अपघातात टेम्पो चालक सागर विश्राम नागले (वय-26,रा. कोपरी, ठाणे) हा जखमी झाला. सागर याने अतिवेगाने व धोकादायक पद्धतीने वाहन चालवत एसटी बसला समोरून जोराची धडक देऊन अपघात केल्याबद्दल त्याच्या विरोधात गुन्हा दाखल करण्यात आला आहे.