खेड बस स्थानकात एसटी कर्मचार्‍यांच्यात फ्री स्टाईल हाणामारीचा थरार.
खेड बस स्थानकात एसटी कर्मचार्‍यांच्यात फ्री स्टाईल हाणामारीचा थरार रंगला. एसटी स्थानकात मध्यरात्री चांगलाच धुमाकूळ घातला गेला आणि तोही एसटी कर्मचार्‍यांकडून फ्री स्टाईल हाणामारीचा थरार थेट स्थानकाच्या समोर आणि सगळं कॅमेर्‍यात कैद झालं. सोमवारी मध्यरात्री खेड एसटी स्थानकाबाहेर दोन एसटी कर्मचार्‍यांमध्ये जोरदार बाचाबाची झाली आणि पाहता पाहता ती हाणामारीत रूपांतरित झाली.
दोन्ही कर्मचार्‍यांनी एकमेकांना अक्षरशः फ्री स्टाईलने बदडून काढलं.प्रवाशांच्या म्हणण्यानुसार हे दोघेही कर्मचारी त्या वेळी मद्यधुंद अवस्थेत होते. काही प्रवाशांनी मोबाईलमध्ये ही संपूर्ण घटना शूट केली आणि ती सोशल मिडियावर व्हायरल झाली. विशेष म्हणजे गेल्याच महिन्यात अशाच प्रकारे मद्यधुंद अवस्थेत गाडी चालवणार्‍या एका एसटी चालकावर निलंबनाची कारवाई करण्यात आली होती.www.konkantoday.com
