६ ऑक्टोबरपासून बेपत्ता असलेला ३० वर्षीय ईश्वर रवींद्र सुर्वे यांचा मृतदेह शुक्रवारी सापुचेतळे ते खानवली चरीत आढळला.
६ ऑक्टोबरपासून बेपत्ता असलेला ३० वर्षीय ईश्वर रवींद्र सुर्वे यांचा मृतदेह शुक्रवारी सापुचेतळे ते खानवली रस्त्यावरील साई मंदिराच्या मागील वळणाजवळील चरीत आढळून आला. पोलिसांनी प्राथमिक तपासात मोटरसायकल अपघाताची शक्यता असल्याची नोंद केली आहे, तरी या घटनेवर अपघात की घातपात याची चर्चा सुरू आहे.
माहितीनुसार, वृशल रवींद्र सुर्वे (वय २७, खानवली इवलकरवाडी) यांनी लांजा पोलिसांना ही माहिती दिली होती. ईश्वर सुर्वे ६ ऑक्टोबरपासून घरात परतले नव्हते, आणि त्यांचा शोध नातेवाईक, गावकरी व मित्रमंडळी यांच्याद्वारे सुरु होता.
पोलिसांच्या माहितीनुसार, ईश्वर सुर्वे रात्री सुमारे ९.३० वाजल्याच्या सुमारास, आपल्या स्प्लेंडर मोटरसायकल (क्रमांक MH 08-N 1325) वर सापुचेतळे ते खानवली जाणाऱ्या रस्त्यावरून आपल्या घरी येत होते. साई मंदिराजवळील वळणावर मोटरसायकल अपघात झाला आणि ते रोडच्या बाहेर चरीत पडले, ज्यात त्यांना गंभीर दुखापत झाली होती. शोध मोहिमेदरम्यान शुक्रवारी त्यांचा मृतदेह चरीत आढळला.
