मालगुंड ग्रामपंचायतीकडून प्राथमिक आरोग्य केंद्र मालगुंड ला औषध पुरवठा
मालगुंड : मालगुंड ग्रामपंचायतीच्या वतीने प्राथमिक आरोग्य केंद्र, मालगुंड येथे उपचारासाठी येणाऱ्या रुग्णांना आवश्यक औषधांचा पुरवठा करण्यात आला. आरोग्य केंद्रातील रुग्णसेवा अधिक प्रभावी व अखंडित राहावी, तसेच गावातील नागरिकांना तातडीने औषधे उपलब्ध व्हावीत या उद्देशाने हा उपक्रम राबविण्यात आला. ग्रामपंचायतीचे वतीने उच्च रक्तदाब आणि रक्तातील साखरेचे कमी जास्त प्रमाणासाठी लागणारी औषधे गोळ्या (ncd ) रुपये दहा हजार किंमतीची औषधे या वेळी देण्यात आली
ग्रामपंचायत च्या सरपंच सन्मा. स्वेता खेऊर व पदाधिकारी आणि प्राथमिक आरोग्य केंद्र मालगुंड चे आरोग्य सहाय्यक डॉ परशुराम निवेंडकर यांच्या उपस्थितीत हा औषध साठा देण्यात आला. या वेळी ग्रामपंचायतीने आरोग्य सेवेत सातत्य ठेवण्याचा आणि भविष्यात अशा प्रकारचे सहकार्य सुरू ठेवण्याचा संकल्प व्यक्त केला. गावातील नागरिकांनी या उपक्रमाचे स्वागत केले. ही मदत मिळावी म्हणून आरोग्य सहाय्यक डॉ निवेंडकर यांनी विशेष प्रयत्न केले मालगुंड प्राथमिक आरोग्य केंद्राच्या वैद्यकीय अधिकारी व आरोग्य केंद्राचे कर्मचारी यांनी मालगुंड ग्रामपंचायतीच्या सरपंच खेऊर मॅडम व सर्व पदाधिकारी सहकारी आणि ग्रामसेवक यांचे आभार मानले ..
