खासगी आस्थापनांनी महास्वयम वेबपोर्टलच्या माध्यमातून रोजगार मेळाव्यात सहभागी व्हावे

रत्नागिरी, दि. 10 ) :- जिल्ह्यातील खासगी आस्थापनांनी महास्वयम वेबपोर्टलच्या माध्यमातून रोजगार मेळाव्यात सहभागी होऊन बेरोजगार उमेदवारांना रोजगार उपलब्ध करुन द्यावा, असे आवाहन कौशल्य विकास, रोजगार व उद्योजकता मार्गदर्शन केंद्राच्या प्र.सहाय्यक आयुक्त मोरेश्वर दुधाळ यांनी केले आहे.
जिल्हा कौशल्य विकास, रोजगार व उद्योजकता मार्गदर्शन केंद्रामार्फत जिल्हयातील बेरोजगार उमेदवारांना विविध क्षेत्रात रोजगाराच्या संधी उपलब्ध करुन देण्याच्या दृष्टिने पंडित दीनदयाल उपाध्याय रोजगार मेळाव्याचे आयोजन 14 ऑक्टोबर रोजी सकाळी 10 वाजता कल्पना कॉलेज ऑफ मॅनेजमेंट, लांजा, ताज सिंटी सेंटर, दुसरा मजला, डावरा वसाहत बाजापेठ, ता. लांजा येथे करण्यात आला आहे.
जिल्हयातील सर्व खाजगी आस्थापनांना/उद्योजकांनी आपणांकडे उपलब्ध असलेली रिक्त पदे www.mahaswayam.gov.in या पोर्टलवर अधिसूचित करण्यात यावी व जिल्हयातील उमेदवारांना रोजगार संधी उपलब्ध करुन द्यावी. जिल्हयातील सर्व खाजगी आस्थापनांनी/उद्योजकांनी आपणांस देण्यात आलेला युझर आयडी व पासवर्ड चा वापर करुन रिक्तपदे ऑनलाईन अधिसूचित करावी व जिल्ह्यातील उमेदवारांना रोजगार संघी उपलब्ध करुन द्यावी.
रोजगार मेळाव्यामध्ये सहभागी होण्यासाठी आपली नोंदणी नसल्यास जिल्हा कौशल्य विकास रोजगार व उद्योजकता मार्गदर्शन केंद्र कार्यालयाकडे त्वरित संपर्क साधून नोंदणी करावी व रोजगार मेळाव्यात सहभागी व्हावे.
000