दापोली तालुक्यातील खेर्डी पानवाडी स्टॉपजवळ येथे कार-दुचाकीचा अपघात

दापोली तालुक्यातील खेर्डी पानवाडी स्टॉपजवळ इनोव्हा गाडी व होंडा शाईन मोटरसायकल यात अपघात होऊन मोटारसायकल चालक राहुल गायकर हा जखमी झाला आहे. सुशांत कालेकर (26 रा. करंजाणी उगवतवाडी) यांनी दापोली पोलिस ठाण्यात दिलेल्या फिर्यादीनुसार 1 जानेवारी दुपारी 12.20 वाजण्याच्या सुमारास राहुल गायकर हे आपल्या ताब्यातील होंडा शाईन मोटरसायकल घेऊन दापोलीकडून खेर्डीच्या दिशेने जात होते. त्यावेळी सुशांत कालेकर हे आपल्या ताब्यातील ईनोवा गाडी घेऊन खेर्डी पानवाडी येथील स्टॉपजवळ थांबले होते .त्यावेळी रस्त्याच्या विरुद्ध दिशेने भरधाव वेगाने येऊन राहुल गायकर यांनी धडक दिली. या अपघातामध्ये दोन्ही गाड्यांचे नुकसान झाले आहे. गायकर यांना दुखापत झाली आहे. अपघाताची नोंद घेण्यात आली असून अधिक तपास सहाय्यक पोलिस फौजदार बुरटे करीत आहेत.
www.konkantoday.com