जिल्ह्यात दोन हजारांहून अधिक गृहनिर्माण संस्था, मतदार अवघे १७५!

जिल्ह्यातील विकास सेवा सहकारी सोसायट्या हा जिल्हा मध्यवर्ती बँकेचा गणा आहे. यातील काही संस्थाना आयत्यावेळी मतदानाच्या अधिकारापासून वंचित ठेवण्यात आल्याचा आरोप गुहागर तालुक्यातून होत आहे. त्याचबरोबर गृहनिर्माण, गृहतारण सहकारी संस्था व पगारदार नोकरांच्या संस्थांचे प्रतिनिधी देखील जिल्हा बँकेचे मतदार आहेत. मात्र जिल्ह्यातील बहुतांशी गृहनिर्माण संस्थांना याची माहितीच देण्यात आलेली नाही. जिल्ह्यात सुमारे २ हजार गृहनिर्माण सहकारी संस्था असताना मतदार यादीत या घटकांचे अवघे १७५ मतदार असल्याची धक्कादायक माहिती पुढे आली आहे. www.konkantoday.com