चूल पेटवत असताना भाजलेल्या वयोवृद्ध महिलेचा उपचारादरम्यान मृत्यू

चूल पेटवत असताना परिधान केलेल्या गाऊनला आग लागल्याने यात भाजलेल्या वयोवृद्ध महिलेचा मुंबई येथे उपचारादरम्यान मृत्यू झाल्याची घटना काही दिवसांपूर्वी घडली. या प्रकरणी सावर्डे पोलीस स्थानकात रविवारी आकस्मिक मृत्यूची नोंद करण्यात आली आहे.मंजुळा रामचंद्र सुर्वे (७५, वीर) असे मृत्यू झालेल्या वयोवृद्ध महिलेचे नाव आहे. पोलिसांनी दिलेल्या माहितीनुसार मंजुळा सुर्वे या १९ फेब्रुवारी रोजी सकाळी ७.३० वाजण्याच्या सुमारास राहत्या घरी चूल पेटवत असताना त्यांनी परिधान केलेल्या गाऊनला आग लागली. यात त्या गंभीररित्या भाजल्या. त्यांना उपचारासाठी कामथे रूग्णालयात नेण्यात आले होते. त्यानंतर अधिक उपचारासाठी मुंबई येथे खाजगी रूग्णालयात नेण्यात आले होते. त्याठिकाणी त्यांचा मृत्यू झाला.www.konkantoday.com