मुंबई-पुणे मार्गावरील ‘डेक्कन क्वीन एक्स्प्रेस’च्या व्हिस्टाडोम डब्याला चांगला प्रतिसाद

पावसाळ्याबरोबरच हिवाळ्यातही पुणे-मुंबई-पुणे रेल्वेप्रवास आनंददायी असतो. हाच आनंद द्विगुणित करण्यासाठी मुंबई-पुणे मार्गावरील ‘डेक्कन क्वीन एक्स्प्रेस’ला व्हिस्टाडोम डबा (पारदर्शक डबा) जोडण्यात आला असून, या डब्यासह ही एक्स्प्रेस रविवारी धावली. पहिल्या फेरीला प्रवाशांनी भरभरून प्रतिसाद दिला.
‘डेक्कन क्वीन’ एक्स्प्रेसला असलेल्या पारदर्शक डब्याचे आरक्षण ८ ऑगस्टपासून सुरू करण्यात आले होते. त्यास चांगला प्रतिसाद मिळाला. ‘डेक्कन क्वीन’ एक्स्प्रेस रविवारी पुण्याहून सकाळी ०७.१५ वाजता सुटली आणि सकाळी १०.२५ वाजता मुंबई छत्रपती शिवाजी महाराज टर्मिनसला पोहोचली.वातानुकूलित डबा, काचेच्या मोठय़ा खिडक्या व छत, आरामदायी पुशबॅक खुच्र्या, प्रवाशांना सामान ठेवता येईल अशी जागांसह अन्य सुविधा डब्यात आहेत.
www.konkantoday.com