कौशल्य विकास, रोजगार व उद्योजकता नाविन्यता विभागामार्फतबीकेसी (एमएमआरडीए) मैदानावर ८ आॕक्टोबरला “नमो महारोजगार मेळावा 2025”

रत्नागिरी, दि. 23 ) : महाराष्ट्र शासन कौशल्य विकास, रोजगार व उद्योजकता नाविन्यता विभागामार्फत बुधवार दिनांक 8 ऑक्टोबर रोजी सकाळी 10 वाजता बीकेसी (एमएमआरडीए) मैदान क्रमांक २, ३ व ४, जी टेक्स्ट ब्लॉक, जेएसडब्ल्यु जवळ बांद्रा (पूर्व), मुंबई ४०००५१ या ठिकाणी “नमो महारोजगार मेळावा 2025” मेळाव्याचे आयोजन करण्यात आले आहे. रोजगार मेळाव्यात सहभाग नोंदविण्यासाठी जिल्ह्यातील उमेदवारांनी त्वरित https://www.mahaswayam.gov.in पोर्टलवर नोंदणी करुन रोजगाराच्या संधीचा लाभ घ्यावा, असे आवाहन प्र. सहाय्यक आयुक्त मोरेश्वर दुधाळ यांनी केले आहे.
या रोजगार मेळाव्यामध्ये राज्यातील विविध औद्योगिक आस्थापना व उद्योजक सहभागी होणार आहेत. तरी जिल्हयातील जास्तीत जास्त उमेदवारांनी रोजगार संधीचा लाभ घेण्यासाठी त्यांची नोंदणी विभागाच्या https://www.mahaswayam.gov.in पोर्टलवर करावी. नोंदणीकृत असलेल्या सर्व उमेदवारांनी त्यांचे प्रोफाईल अद्ययावत करावे. रोजगार मेळाव्याचे दिवशी मुलाखतीकरीता त्यांचे बायोडाटा व इतर आवश्यक शैक्षणिक कागदपत्रांच्या प्रतींसह प्रत्यक्ष उपस्थित राहावे.

रोजगार मेळाव्यामध्ये सहभागी होण्यासाठी आपली नोंदणी नसल्यास जिल्हा कौशल्य विकास रोजगार व उद्योजकता मार्गदर्शन केंद्र, रत्नागिरी येथे त्वरीत संपर्क साधून नोंदणी करावी व रोजगार मेळाव्यामध्ये सहभागी होऊन रोजगार संधीचा लाभ घ्यावा.

000