महामार्गावर निगडे येथे तीन वाहनांचा विचित्र अपघात;१ ठार चारजण जखमी

खेड : मुंबई गोवा महामार्गावरील निगडे येथे दोन मालवाहू टेम्पो आणि दुचाकी या तीन वाहनांमध्ये झालेल्या विचित्र अपघातात १ जण ठार तर चारजण जखमी झाले . शुक्रवारी रात्री ८.४५ वाजण्याच्या सुमारास हा अपघात घडला.
सध्या महामार्ग चौपदरीकरणाचे काम सुरू असल्याने काही ठिकाणी महामार्गाच्या एकाच मार्गिकेतून वाहने हाकली जातात. निगडे येथे झालेला हा अपघात एकाच मार्गिकेतुन समोर समोर दोन मालवाहू टेम्पो आल्याने झाला आहे. समोरुन येणाऱ्या ट्रकला धडक दिल्यानंतर नियंत्रण हरवून बसलेल्या एका टेम्पोने समोरून येणाऱ्या दुचाकीला धडक दिली. या अपघतात दुचाकीस्वार गंभीर जखमी झाल्याच परंतु धडक दिल्यावर मालवाहू टेम्पो पलटी झाल्याने टेम्पो चालकाचा मृत्यू झाला.
अपघाताची खबर मिळताच खेडचे उपविभागीय पोलीस अधिकारी काशीद, पोलीस निरीक्षक निशा जाधव यांनी घटनास्थळी धाव घेतली. अपघातात जखमी झालेल्या एक गंभीर व्यक्तीस उपचारांसाठी चिपळूण येथील लाईफ केअर रुग्णालयात तर अन्य किरकोळ जखमींना कळबणी उप जिल्हा रुग्णालयात दाखल केले.
या अपघातात मृत पावलेल्या टेम्पो चालकाचे नाव अद्याप कळले नाही. खेड पोलीस या प्रकरणी अधिक तपास करत आहेत.
www.konkantoday.com