राज ठाकरे यांच्या भेटीनंतर चंद्रकांत पाटील दिल्ली दौऱ्यावर जाणार

भाजप प्रदेशाध्यक्ष चंद्रकांत पाटील यांनी आज मनसे अध्यक्ष राज ठाकरे यांची भेट घेतल्यामुळे राजकीय वर्तुळात चर्चेला उधाण आलं आहे. गेल्या काही दिवसांपासून भाजपा आणि मनसे युतीच्या चर्चा रंगल्या होत्या. मनसेच्या परप्रांतियांबाबतच्या भूमिकेवर चंद्रकांत पाटील आणि राज ठाकरे यांच्यात चर्चा सुरु होती. दरम्यान, आज चंद्रकांत पाटील यांनी सकाळी साडेअकरा वाजता राज ठाकरे यांची भेट घेतली. या भेटीनंतर चंद्रकांत पाटील दिल्ली दौऱ्यावर जाणार आहेत. त्यामुळे राज्याच्या राजकारणात मोठी घडामोड घडण्याची शक्यता आहे.
www.konkantoday.com