चिपळूण पुरामध्ये नुकसानग्रस्त वाहनांचा भरलेल्या वन टाइम टॅक्स अबाधित ठेवण्याची आमदार शेखर निकमांची मागणी

चिपळूणमध्ये तीन – चार दिवस झालेल्या अतिवृष्टीमुळे निर्माण झालेल्या पूरस्थितीने अनेक पूरबाधितांची वाहने वाहून गेली आहेत तर काही वाहनांची प्रचंड हानी झाली आहे . यासंदर्भात इन्शुरन्स कंपनीच्या स्तरावरुन हानी झालेल्या वाहनांच्या बदली नवीन वाहन किंवा इन्शुरन्सचा लाभ देण्यात येईल . परंतु अनेक वाहनधारकांनी वाहन खरेदी करतेवेळी वन टाइम टॅक्स भरला होता आणि सदरच्या टॅक्सची रक्कमही मोठी होती . त्यामुळे पूरग्रस्तांसंदर्भात कंपनीकडून वाहन बाधितांना वाहन देताना पूर्वी भरलेला टॅक्स ग्राह्य धरण्यात यावा तो अबाधित ठेवावा अशी मागणी आमदार शेखर निकम यांनी पालकमंत्री ऍड अनिल परब तसेच उपप्रादेशिक परिवहन अधिकारी यांच्याकडे लेखी स्वरूपात केली आहे.
www.konkantoday.com