इंडियन आयडॉल १२’ चा किताब उत्तराखंडच्या पवनदीप राजनने जिंकला

छोट्या पडद्यावरील लोकप्रिय शो ‘इंडियन आयडॉल १२’ चा ग्रँड फिनाले सोहळा नुकताच संपन्न झाला. या सोहळ्यात उत्तराखंडच्या पवनदीप राजनने आपल्या आवाजाच्या जोरावर श्रोत्यांची मनं जिंकली आणि या पर्वाचं विजेतपद पटकावलं. विशेष म्हणजे पवनदीपला २५ लाखांचा धनादेश व एक कार बक्षीस म्हणून देण्यात आली. मात्र, हे विजेतेपद माझ्या एकट्याचं नाही. त्यामुळे ट्रॉफी पाहून मला आनंद झाला नाही, असं पवनदीपने एका मुलाखतीत सांगितलं मला फार वेगळं वाटत होतं. कारण, या ट्रॉफीवर केवळ माझाच नाही तर आमच्या सगळ्यांचा हक्क होता. भविष्यात आम्ही सगळे एकमेकांसोबतच काम करु आणि या शोनंतर सुद्धा एकमेकांच्या संपर्कात राहू असं आम्ही सगळ्यांनी ठरवलं आहे, असं पवनदीप म्हणाला.
www.konkantoday.com