शिळ धरण ते जॅकवेल पाईपलाईनसाठी शिवसेना पदाधिकारी आग्रही

रत्नागिरी शहराला पाणीपुरवठा करणार्‍या शीळ धरण ते जॅकवेलपर्यंतच्या जलवाहिनीचे रखडलेले काम पावसाळ्यापूर्वी करण्यासाठी युद्धपातळीवर काम सुरू आहे. एकूण ५५० मीटर ही जलवाहिनी असून आतापर्यंत ५५ मीटर काम पूर्ण झाले आहे. हे काम न.प. प्रशासनाकडून पूर्ण करून घेण्यासाठी शिवसेना नगरसेवक स्वतः लक्ष घालून पाठपुरावा करत आहेत. शिवसेनेच्या माजी नगरसेवकांसह पदाधिकार्‍यांनी जॅकवेलला भेट देवून पहाणी केली.शहरात सध्या पाण्याची टंचाई सुरू आहे. शहरवासियांना शीळ धरणातील खालावलेल्या पाणीसाठ्यामुळे एकदिवस आड पाणीपुरवठा सुरु आहे. शीळ धरण ते पंपिंग हाऊसपर्यंत पाईपलाईन टाकण्याला झालेल्या विलंबाबत शहरवासियांकडून ओरड सुरू झालेली आहे. त्या पार्श्‍वभूमीवर सुरू असलेल्या जलवाहिनी जोडण्याच्या कामाची पाहणी शिवसेनेच्या शहरातील पदाधिकार्‍यांनी केला. नळपाणी योजना पूर्ण झाली असताना पंपिंग हाऊसपर्यंत लाईन पूर्ण होणे आवश्यक आहे. हे काम पावसाळ्यापूर्वी तातडीने करण्यात यावे यासाठी न.प. प्रशासनाकडे पाठपुरावा केला जात आहे.त्यासाठी शिवसेना शहराध्यक्ष बिपीन बंदरकर, माजी ज्येष्ठ नगरसेवक राजन शेट्ये, माजी गटनेते सुदेश मयेकर, विकास पाटील, विजय खेडेकर, अभिजित दुडये आदींनी शीळ धरण येथे भेट दिली. www.konkantoday.com