रत्नागिरी येथील ज्येष्ठ रंगकर्मी आणि संकल्प कलामंचचे आधारस्तंभ रवींद्र साळुंखे यांचे दु:खद निधन

रत्नागिरी येथील ज्येष्ठ रंगकर्मी आणि संकल्प कलामंचचे आधारस्तंभ रवींद्र साळुंखे यांचे आज १५ जुलै रोजी सकाळी निधन झाले. पुणे येथे खासगी रुग्णालयात त्यांच्यावर उपचार सुरू होते. मात्र आज त्यांची प्राणज्योत मावळली. त्यांच्या निधनाबद्दल रत्नागिरीच्या नाट्य व सांस्कृतिक क्षेत्रातून हळहळ व्यक्त करण्यात येत आहे.
त्यांच्या निधनाने रत्नागिरीतील नाट्यकर्मींनी शोक व्यक्त केला. संकल्प कलामंचच्या माध्यमातून त्यांनी अनेक नाटकातून उत्कृष्ट अभिनय केला. राज्य नाट्य स्पर्धेसाठी अनेक नाटकांच्या निर्मितीत त्यांचा मोठा वाटा होता. तसेच कामगार, राज्य नाट्य स्पर्धांमध्ये त्यांना नाटकांतल्या भूमिकांसाठी पारितोषिकेही मिळाली होती. ऑक्टेल कंपनीत अधिकारी पदावरून ते सेवानिवृत्त झाले होते.
नाटकांबरोबर शॉर्ट फिल्म निर्मितीमध्येही त्यांनी पदार्पण केले होते. कलेबरोबर सामाजिक क्षेत्रातही त्यांचे योगदान होते.
www.konkantoday.com