जनसामान्यांच्या मनामनात स्थान असलेली लालपरी आता नव्या रंगाढंगांत

जनसामान्यांच्या मनामनात स्थान असलेली लालपरी एसटी (ST) आता नव्या रूपात रस्त्यावर धावणार आहे. पूर्वीची कुरकूरणारी, खळखळणारी एसटी आरामदायक होऊबन सुरक्षाविषयक मजबुतीकरण व डिजिटल युगातील साधनांचा वापर करून प्रवाशांच्या सेवेसाठी नव्या रूपात सज्ज झाली आहे. पूर्वीची लालपरी आता लाल, पांढऱ्या रंगात दिसणार आहे. महाराष्ट्र राज्य परिवहन महामंडळाच्या दापोडी येथील विभागीय कार्यशाळेत एकूण तीन हजार एसटी बस रूपांतरित करण्यात येत आहेत. जून २०१८ पासून गाड्यांचे रूपांतर करण्याचे काम या कार्यशाळेत सुरू आहे.पूर्वीची ॲल्युमिनियममधील बॉडी आता माईल स्टीलमध्ये रुपांतरीत करण्यात आल्याने मजबुतीकरण मिळाले आहे. पूर्वी अपघातात ॲल्युमिनिअम बॉडी कमकुवत ठरायची. यामुळे मोठ्या प्रमाणात नुकसान व्हायचे.संकटसमयी बाहेर पडण्यासाठी वर व मागे व्यवस्था केली आहे. दरवाजा नीट लागला नसल्यास सायरन उपकरण बसविले आहेत. अग्निरोधक दोन सिलिंडर यात बसविले आहेत. प्रवाशांसाठी या नवीन बसमध्ये तक्रार वही, मोबाईल चार्जिंग पॉइंट, पांढरे एलईडी दिवे तर रात्रीच्या वेळी निळा प्रकाश कायम केला आहे, अशा सुविधा या गाडीत केल्या आहेत.
www.konkantoday.com