सर्व्हिस सिलेक्शन बोर्ड (एसएसबी) परीक्षा पूर्वतयारीउमेदवारांनी दिनांक 9 डिसेंबर रोजी मुलाखतीस यावे
रत्नागिरी, दि. 5 ) : भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना सर्व्हिस सिलेक्शन बोर्ड (एसएसबी) या परीक्षेची पूर्व तयारी करुन घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे शासनातर्फे महाराष्ट्रातील नवयुवक व नवयुवतीसाठी दिनांक 15 डिसेंबर ते 24 डिसेंबर 2025 या कालावधीत एसएसबी कोर्स क्र. 64 अंतर्गत आयोजित करण्यात येत आहे. तरी जिल्ह्यातील इच्छुक उमेदवारांनी सैन्य दलातील अधिकारी पदाची संधी उपभोगण्यासाठी जिल्हा सैनिक कल्याण कार्यालय रत्नागिरी येथे दिनांक 9 डिसेंबर 2025 रोजी सकाळी 11 वाजता मुलाखतीस हजर रहावे.
मुलाखतीस येते वेळी त्यांनी डिपार्टमेंट ऑफ सैनिक वेलफेअर पुणे (डिएसडब्लू) यांच्या वेबसाईट वर सर्च करुन त्यामधील एसएसबी-64 कोर्ससाठी (किंवा संबंधीत जिल्हा सैनिक कल्याण कार्यालयाने प्रिंट दिलेल्या) प्रवेशपत्र व त्यासोबत असलेली परिशिष्टांची प्रिंट घेऊन व ते पुर्ण भरुन सोबत घेवून यावे. कोर्स कालावधीत प्रशिक्षणर्थीना निःशुल्क प्रशिक्षण, निवास व भोजन दिले जाते.
एस. एस. बी. वर्गामध्ये प्रवेश मिळण्यासाठी खाली नमूद कोणतीही एक पात्रता असणे आवश्यक आहे व त्यासंबधीचे पात्रता प्रमाणपत्र प्रशिक्षण वर्गाला येतांना सोबत घेवून यावेत. अ) कंम्बाईंड डिफेन्स सव्हींसेस एक्झामिनेशन (सीडीएसई-युपीएससी) अथवा नॅशनल डिफेंस अॅकेडमी एक्झामिनेशन (एनडीए- युपीएससी) पास झालेली असावी व त्यासाठी सर्व्हिसेस सिलेक्शन बोर्ड मुलाखतीसाठी पात्र झालेले असावे. ब) एनसीसी ‘C’ सर्टिफिकेट ‘A’ किंवा ‘B’ ग्रेड मध्ये पास झालेले असावेत व एनसीसी ग्रुप हेडक्वार्टरने एसएसबी साठी शिफारस केलेली असावी. क) टेक्नीकल ग्रॅज्युएट कोर्ससाठी एस.एस.बी. मुलाखतीसाठी कॉल लेटर असावे. ड) विद्यापीठ प्रवेश प्रणाली (युनिर्वसिटी एन्ट्री स्किम) साठी एसएसबी कॉल लेटर असावे किंवा एस.एस. बी. साठी शिफारस केलेल्या यादीत नांव असावे.
अधिक माहीतीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल आय डी : training.pctcnashik@gmail.com व दुरध्वनी क्र. आणि 0253-2451032 किंवा व्हाटसअप क्र. 9156073306 वर कार्यालयीन वेळेत प्रत्यक्ष अथवा दूरध्वनी संपर्क करावा असे आवाहन जिल्हा सैनिक कल्याण अधिकाऱ्यांनी केले आहे.
