सदानंद कदम यांचा खाजगी जागेत बॅनरमुळे प्रशासनाची झाली पळापळ, अखेर बॅनर हटविला

खेड शहरातील खाजगी जागेत काल लावलेल्या बॅनरमुळे प्रशासनाची धावपळ उडाली. अखेर नगर पालिका प्रशासनाने सायंकाळी उशीरा हा बॅनर काढला. या बॅनरची चर्चा सध्या शहरात सुरू आहे.उद्योजक सदानंद उर्फ अप्पा कदम यांनी खेड शहरातील अनिकेत शॉपिंग मॉलसमोरील त्यांच्या खाजगी जागेत त्यांच्या फोटोसह एक वैयक्तिक बॅनर शनिवारी सायंकाळी साडेचार वाजता लावला. सूड घेणार्‍यांनी मायेच्या ओलाव्याची अपेक्षा करू नये, अशा आशयाचा बॅनर होर्डींगवर लावला. हा बॅनर खाजगी जागेत, तसेच कोणत्याही नियमांचे उल्लंघन करणारा नव्हता. त्या बॅनरवर ना कोणते राजकीय भाष्य होते, ना स्वतः सदानंद कदम कोणत्या राजकीय पक्षाशी निगडीत असून ते उद्योजक आहेत, मात्र उद्योजक सदानंद उर्फ अप्ता कदम यांनी सूड आणि मायेच्या ओलाव्याचे शब्द असलेला लावलेल्या बॅनरमुळे अवघ्या काही मिनिटात प्रशासनाची धावपळ सुरू झाली.नगर प्रशासनाचे अधिकारी हा बॅनर हटविण्यासाठी स्वतः सदानंद कदम यांना विनंती करू लागले. बॅनर का हटवावा, कोणत्या नियमांमध्ये हटवावा, हे लेखी सांगा मी बॅनर हटवतो, असे स्पष्ट म्हणणे त्यांनी अधिकार्‍यांना सांगितले. मात्र आपल्यावर वरून खूप प्रेशर असल्याचे त्यांनी सांगितले. अखेरीस नगर पालिकेच्या अधिकार्‍यांनी रात्री उशिरा पोलिसांची मदत घेवून अनिकेत शॉपिंग मॉलसमोरील हा बॅनर काढला. www.konkantoday.com