देवरुख जवळील पूर गावातील दोन सख्खे भाऊ सप्तलिंगी नदीत बुडाले

देवरुख जवळील पूर गावातील दोन सख्खे भाऊ सप्तलिंगी नदीत बुडाल्याची घटना घडली आहे
रविवारी दुपारी ही घटना घडली.
सचिन उर्फ बाल्या झेपले व गणेश उर्फ सागर झेपले अशी त्यांची नावे आहेत.
३५ ते ४० या वयोगटातील हे भाउ आहेत. गणेश झेपले हे अविवाहीत आहेत तर सचिन झेपले यांना लहान दोन मुली आहेत.घरी आई वडील पत्नी दोन मुली असा परिवार आहे.दोघे भाऊ सेंट्रींगची कामे करत असत.
दोन भाऊ बुडाले याची खबर नागरीकांना लागताच मदत कार्य सुरु झाले.संध्याकाळी गणेश झेपले यांचा मृतदेह मिळाला. देवरुख पोलीस स्थानकात या घटनेची नोंद झाली असुन गणेश झेपले यांचा मृतदेह शवविच्छेदनासाठी देवरुख येथे आणण्यात आला.
सप्तलिंगी नदीपत्रातील चिऱ्याचा कोंड येथील घटना सचिन झेपले हा पत्नीसह कपडे धुवायला गेला होता. तो पोहत असताना बुडू लागला. पत्नीने लगेच घरी जाऊन दिराला याबाबतची माहिती दिली. दीर गणेशाने सचिनला वाचवण्या करिता नदीपत्राच्या दिशेने धाव घेतली. मात्र तोही बुडाला गणेश याचा मृतदेह सायंकाळी साडेचार वाजता सापडला
दुसर्‍या भावाचा शोध सुरु होता. संध्याकाळी काळोख पडल्यावर हि शोध मोहिम थांबवण्यात आली.
पुर गावातील नागरीक,विविध सामाजिक काम करणारे कार्यकर्ते या शोध मोहिमेत सहभागी झाले होते.

www.konkantoday.com