सोनगावला जागतिक नकाशावर आणण्यासाठी शासनाच्या वनविभाग व कांदळवन कक्षाने कंबर कसली ,मगरसफर आली जगाच्या नकाशावर

खेडच्या खाडीपट्ट्यात मगरींचे वास्तव्य असून, कांदळवनांची बेटेही विस्तारलेली आहेत. त्यांचे रक्षण करतानाच मगरीचे गाव म्हणून सोनगावला जागतिक नकाशावर आणण्यासाठी शासनाच्या वनविभाग व कांदळवन कक्षाने कंबर कसली आहे. या ठिकाणी पर्यटन व्यवसायाला चालना देण्यासाठी ग्रामस्थांच्या सहकार्याने सोनगाव-भोईवाडीत वाशिष्ठी मगरसफरीचा आरंभ झाला आहे. एकावेळी फेरीबोटीमधून एकाचवेळी आठजणांना एक तासाची सफर घडवून आणली जाणार आहे.
कांदळवन प्रतिष्ठानकडून सोनगावला आठ आसनी मोटारबोट देण्यात आली आहे. सोनगावला आठ आसनी मोटारबोट देण्यात आली आहे. सोनगांव भोईवाडी येथे ३ मे रोजी अक्षयतृतीयेच्या शुभ मुहूर्तावर वाशिष्ठी-मगरसफारी बोटीचा आरंभ झाला. सोनगावच्या सरपंच भारती पडवळांच्या हस्ते वाशिष्ठी बोटीचे पूजन केले. यानंतर मगरसफर करण्यात आली व आलेल्या मान्यवरांना कांदळवन याबद्दल माहिती देण्यात आली.
कांदळवन कक्ष रत्नागिरीचे वनक्षेत्रपाल राजेंद्र पाटील यांनी या वेळी उपजीविका निर्माण योजनेबद्दल माहिती दिली व पर्यटनाबद्दल मार्गदर्शन केले. कांदळवन कक्षातर्फे जिल्ह्यात विविध उपक्रम राबविले जात असल्याचेही त्यांनी सांगितले. www.konkantoday.com