दापोली शहरातजवळील वळणे एमआयडीसीत लिफ्ट अंगावर पडल्याने महिलेचा मृत्यू.

दापोली शहरातजवळील वळणे मिनी एमआयडीसीतील एका काजू कारखान्यात रविवारी सकाळी लिफ्टचा हुक तुटून लिफ्ट अंगावर पडून महिलेचा मृत्यू झाल्याची घटना घडली आहे.पोलिसांनी दिलेल्या माहितीनुसार वळणे एमआयडीसीतील एका काजू कारखान्यात प्रविणी प्रभाकर कासेकर या रविवारी सकाळी ११.३५ च्या सुमारास लिफ्टच्या खाली पडलेल्या काजू बिया जमा करत होत्या.

यावेळी अचानक लिफ्टचा हुक तुटल्याने लिफ्ट कासेकर यांच्या अंगावर पडली. त्यात कासेकर जखमी झाल्या. त्यांना उपचारासाठी दापोली उपजिल्हा रूग्णालयात आणले असता वैद्यकीय अधिकार्‍यांनी त्यांना तपासून मृत घोषित केले. या घटनेची दापोली पोलीस ठाण्यात आकस्मिक मृत्यू अशी नोंद करण्यात आली असून अधिक तपास उपनिरीक्षक अमोल गंगधर करीत आहेत.www.konkantoday.com