राष्ट्रीय स्वयंसेवक संघ जनकल्याण समिती दक्षिण रत्नागिरी जिल्ह्याच्यावतीने कोविड सेंटरला इलेक्ट्रिक गिझर भेट

*राजापूर तालुक्यातील धारतळे येथे नव्याने उभारण्यात आलेल्या कोविड केअर सेंटरसाठी रा.स्व.संघ जनकल्याण समिती दक्षिण रत्नागिरीच्या वतीने सेवाभावी वृत्तीने रुग्णांना मदत व्हावी या हेतूने 5 इलेक्ट्रिक गिझर भेट देण्यात आले.सौ.दीपाली पंडित अव्वल कारकून प्रांत कार्यालय राजापूर यांनी केलेल्या आवाहनानुसार सदर भेट प्रदान करण्यात आली.त्यावेळी राजापूर तालुका आरोग्य अधिकारी डॉ.निखिल परांजपे यांचेकडे सदर गिझर सुपूर्द करण्यात आले.
त्यावेळी जनकल्याण समिती जिल्हा दक्षिण रत्नागिरी शिक्षण आयाम प्रमुख राजन गोठणकर, रा. स्व. संघ राजापूर तालुका संपर्क प्रमुख संदीप देशपांडे, राष्ट्रीय सेवा समिती दक्षिण रत्नागिरी कोषध्यक्ष ऍड.प्रशांत पाध्ये,जनकल्याण समिती रुग्णोपयोगी साहित्य केंद्र राजापूर प्रकल्प प्रमुख रमेश गुणे यांच्यासह जनकल्याण समितीचे अनंत रानडे, विशाल मोरे,संघ स्वयंसेवक सुशांत पवार,सुरज पेडणेकर,विवेक गुण्ये, प्रांत कार्यालयातील अव्वल कारकून दीपाली पंडित, कर्मचारी सुशांत बाकाळकर आदी उपस्थित होते.
_तालुका आरोग्य अधिकारी डॉ. निखिल परांजपे यांनी जनकल्याण समितीच्या कार्याबद्दल समाधान व्यक्त करून आभार मानले.
www.konkantoday.com