देशातील निरनिराळ्या शहरात आंबा महोत्सवाचे आयोजन

देशातील नवी दिल्ली, चंदीगड, अहमदाबाद, सुरत, वडोदरा, पणजी, बेंगलोर, चेन्नई, हैद्राबाद, इंदौर, भोपाळ या शहरांमध्ये आंबा महोत्सवांचे आयोजन करण्यात येणार आहे.
कोकणातील हापूस आंबा देशातील मोठ्या शहरांमध्ये शेतकर्‍यांमार्फत थेट ग्राहकांना उपलब्ध करून देण्यासाठी राज्याचे सहकार व पणनमंत्री तथा कृषी पणन मंडळाचे अध्यक्ष बाळासाहेब पाटील यांच्या मार्गदर्शनाखाली पणन मंडळाने नियोजन सुरू केले आहे.
आंब्यास मोठ्या प्रमाणात बाजारपेठ उपलब्ध करून देण्याबाबत मंत्री पाटील यांनी सूचना दिल्या आहेत. आंबा महोत्सवांमुळे परराज्यातील बाजारपेठा आंबा उत्पादकांना उपलब्ध होण्यास मदत होईल.
www.konkantoday.com