पोल्ट्री फार्मचे निर्जंतुकीकरण करा, पशुसंवर्धन विभागाचे व्यावसायिकांना आदेश

बर्ड फ्ल्यू विषाणू प्रादुर्भावाच्या पार्श्‍वभूमीवर व्यावसायिकांनी पोल्ट्री फार्मचे तात्काळ निर्जंतुकीकरण करावे असे आदेश जिल्हा पुनर्वसन विभागामार्फत घेण्यात आले आहेत.
पोल्ट्री फार्मममधील पक्षांच्या, बदके, कावळे आदी जंगली पक्षांशी संपर्क होणार नाही याची दक्षता व्यावसायिकांनी घ्यावयाची आहे. जैवसुरक्षा नियमांची काटेकोरपणे अंमलबजावणी करावी असे पशुसंवर्धन विभागाच्या आदेशात नमूद करण्यात आले आहे. मृत पक्षी आढळ्यास जिल्हा, तालुका स्तरावरील पशुसंवर्धन कार्यालयाला याची माहिती तत्काळ द्यावयाची आहे. कुक्कुटपालकांनी शेडच्या अंतर्गत व बाह्य भागात स्वच्छता मोहीम नव्याने राबवायची आहे. सोडियम हायपोक्लोराईड, धुण्याचा सोडा, चुना लावून कुक्कुटपालन शेडचे निर्जंतुकीकरण करायचे आहे. चिकन, अंडी १०० अंश सेल्सिअसमध्ये शिजविल्यानंतरच ती सेवन करावीत. चिकन स्वच्छ करताना हँडग्लोज प्राधान्याने वापर करावा अशी सूचना करण्यात आली आहे.
www.konkantoday.com