कोकणटुडे दिनदर्शिका २०२१ चे जि. प. अध्यक्ष रोहन बने यांच्या हस्ते प्रकाशन

रत्नागिरी- कोकणातील पर्यटन वाढीच्या दृष्टीने येथील काही पर्यटन स्थळांचे सौंदर्य पर्यटकांपर्यंत पोहोचण्यासाठी कोकणटूडे ई न्यूजपेपरच्या माध्यमातून दिनदर्शिका काढण्याचा नावीन्यपूर्ण उपक्रम हाती घेण्यात आला या आगळ्या-वेगळ्या अशा दिनदर्शिकेचं प्रकाशन आज जि. प. अध्यक्ष रोहन बने यांच्या हस्ते करण्यात आले. यावेळी माजी आमदार सुभाष बने हे उपस्थित होते.
रत्नागिरीतील प्रसिद्ध छायाचित्रकार अजय बाष्टे यांचे सुपुत्र साईल बाष्टे याने ड्रोन कॅमेऱ्याच्या माध्यमातून काढलेली रत्नागिरीतील विहंगम अशी स्थळे या दिनदर्शिकेत प्रसिद्ध करण्यात आली आहेत. कोकणटूडेच्या या वेगळ्या स्वरूपातील दिनदर्शिकेचे जि. प. अध्यक्ष रोहन बने यांनी काैतुक केले. माजी आमदार सुभाष बने यांनीही हा उपक्रम चांगला व कौतुकास्पद असल्याचे नमूद केले. यावेळी कोकणटूडेचे संपादक सुदेश शेट्ये,ज्येष्ठ पत्रकार सुनील चव्हाण उपस्थित होते.कोकण टुडे च्या वतीने यापुढेही असे वेगवेगळे नावीन्यपूर्ण उपक्रम राबवले जाणार आहेत
www.konkantoday.com