जगबुडी खाडीत सक्शन पंपाद्वारे वाळूचा उपसा, ग्रामस्थ व मच्छिमारांचे निवेदन

खेड तालुक्यातील खाडीपट्ट्यातील जगबुडी खाडीमध्ये कोंडीवली, शिव, कर्जी, सवणस, मुंबके, शिर्शी आदी खाडीपात्रातील भागात काही दिवसांपासून रात्रौ १२ ते सकाळी ६ वाजेपर्यंत सक्शनपंपाद्वारे बेसुमार अनधिकृत वाळू उपसा सुरू असल्याच्या तक्रारी वजा निवेदन खाडीपट्ट्यातील ग्रामस्थ व मच्छिमारांनी जिल्हाधिकार्‍यांना दिले आहे.
या अनधिकृत वाळू उपसामुळे त्या त्या भागातील ग्रामस्थ व मच्छिमारांना धोका निर्माण झाला आहे. तरी प्रशासनाने जातीनिशी लक्ष घालून सक्शनपंपावर रितसर कारवाई करावी अन्यथा या भागातील ग्रामस्थांच्या भावनांचा उद्रेक होवून तेथे एखादा अनुचित प्रकार घडल्यास त्याला पूर्णपणे शासन जबाबदार राहील असेही निवेदनात नमूद करण्यात आले आहे.
www.konkantoday.com