आमदार नितेश राणे यांनी पूर्व इतिहास समजून घेऊनच टीका करण्याचे धाडस करावे-माजी आमदार परशुराम उपरकर.
विधानसभा निवडणूकांच्या पार्श्वभूमीवर नितेश राणे यांनी पत्रकार परिषदेत माजी आमदार परशुराम उपरकर यांच्यावर टीकास्त्र सोडलं होतं.महाविकास आघाडी आणि उद्धव ठाकरे यांच्यावर ताशेरे ओढत असतानाच राणेंनी उपरकरांचा देखील चांगलाच समाचार घेतला होता. नितेश राणेंच्या या टीकेला परशुराम उपरकर यांनी पलटवार केला आहे.उपरकर म्हणाले की, आमदार नितेश राणे यांनी पूर्व इतिहास समजून घेऊनच टीका करण्याचे धाडस करावे. मी राणेंना सोडून गेलो असा उल्लेख करणाऱ्या नितेश राणे यांनी त्यावेळी राजकारण समजण्याएवढे आपले वय तरी होते का? हे प्रथम पहावे. मी बाळासाहेब ठाकरे यांचा एकनिष्ठ शिवसैनिक म्हणून कायमच होतो. मात्र आमदार राणे यांचे वडील नारायण राणे यांची शिवसेनेतून हाकालपट्टी करण्यात आली होती. नंतरच्या कालावधीत मी शिवसेना सोडली असली तरीही मी बाळासाहेब ठाकरे यांचाच शिवसैनिक म्हणून कायमच राहिलो, अशा शब्दांत माजी आमदार परशुराम उपरकर यांनी नितेश राणेंवर पलटवारकेला आहे.
