अंगणवाडी सेविकांची मानधना अभावी गैरसोय
अंगणवाडी कर्मचाऱ्यांना मानधन मिळाले नसल्यामुळे गैरसोय होत आहे. अंगणवाडी कर्मचारी सभेच्या महाराष्ट्र अध्यक्षा ॲड. नीशा शिवुरकर यांनी अंगणवाडी कर्मचाऱ्यांचे मार्च महिन्याचे मानधन त्वरित जमा करा, अशी मागणी केली आहे.सरकार अंगणवाडी कर्मचाऱ्यांवर विविध कामे लादत आहे. निवडणूक प्रशिक्षण, आरोग्याची कामे सोपवली जातात; परंतु अल्प मानधनावर काम करणाऱ्या या कर्मचाऱ्यांचे मानधन वेळेवर देण्याची जबाबदारी मात्र टाळत आहे. सणासुदीच्या दिवसात मानधन नसल्यामुळे सण साजरे करणे या कर्मचाऱ्यांना मुश्कील झाले आहे. कर्मचाऱ्यांमध्ये प्रचंड असंतोष आहे. एकीकडे बेटी बचाओ, बेटी पढाओ घोषणा द्यायची; मात्र महिला व बालकल्याण क्षेत्रात काम करणाऱ्या महिला कर्मचाऱ्यांना वेळेवर मानधन द्यायचे नाही, या विसंगतीकडे ॲड. नीशा शिवुरकर यांनी लक्ष वेधले आहे www.konkantoday.com
