कोळंबे येथील बीएसएनएल च्या केबल चोरी प्रकरणी दोघांना अटक

रत्नागिरी: बीएसएनएलची २०० मीटर केबलची चोरी कोळंबे येथून चोरीला गेली होती. या प्रकरणाचा पर्दाफाश रत्नागिरी स्थानिक गुन्हा अन्वेषण विभागाने केला आहे. याप्रकरणी सापळा रचून कोळंबे येथे दोघांना ताब्यात घेऊन त्यांची चौकशी केली असता त्यांनी गुन्ह्याची कबुली दिली आहे. त्यांच्याकडून चोरलेली केबल हस्तगत करण्यात आली आहे.
कोळंबे दामले कंम्पाऊड ता.रत्नागिरी येथील टेलीफोन पोलवरील बीएसएनएल कंपनीची सुमारे 200 मीटर केबल कोणीतरी अज्ञात चोरटयाने चोरुन नेलेवरुन पुर्णगड पोलीस ठाणे गुन्हा दाखल करण्यात आलेला होता.
सदर गुन्हयाचा समांतर तपास स्थानिक गुन्हे अन्वेषण शाखेकडून सुरु होता. स्थानिक गुन्हे अन्वेषण शाखेचे एक पथक सदर भागामध्ये गुन्हा उघडकीस आणण्याच्या दृष्टीने कार्यरत होते. सदर पथकाला तपासदरम्याने वर नमुद गुन्हयातील आरोपीबाबत व चोरीस गेलेला मुद्देमालाबाबत गोपनीय माहीती प्राप्त झालेली होती. त्या माहीतीच्या आधारे कोळंबे फाटा या ठिकाणी सदर पथकाने सापळा रचून 2 संशयीत इसमाना ताब्यात घेतले.
गुन्ह्रातील ताब्यात घेतलेले संशयित आरोपीत 1) धनंजय चंद्रकांत गोरीवले वय 25, 2) तृशांत चंद्रकांत गोरीवले वय 22 दोन्ही रा. कोळंबे गोरीवलेवाडी ता.रत्नागिरी यांचेकडे अधिक चौकशी करता त्यांनी गुन्ह्राची कबुली दिलेली असून त्याचे ताब्यातून गुन्ह्रात चोरीस गेलेली रु. 5,000/- किंमतीची केबल व गुन्हयात वापरलेली मोटार सायकल असा एकूण 15,000/- रु. किंमतीचा मुद्देमाल जप्त करण्यात आलेला आहे.
सदरची कामगिरी मा.पोलीस अधीक्षक डॉ.श्री. प्रविण मंुढे, अपर पोलीस अधीक्षक श्री.विशाल गायकवाड यांचे मार्गदर्शनाखाली पोलीस निरीक्षक श्री.शिरीष सासने, पोउनि-विकास चव्हाण, पोहेकॉ- संदिप कोळंबेकर, संजय कांबळे, पोना-विजय आंबेकर, सागर साळवी, उत्तम सासवे, दत्ता कांबळे, यांनी केलेली आहे.
www.konkantoday.com