रत्नागिरी जिल्ह्यात 21 नवे कोरोना रुग्ण, 3 रुग्णांचा मृत्यू
रत्नागिरी दि. 15 (जिमाका): आज सायंकाळपर्यंत प्राप्त अहवालांमध्ये 21 नवे पॉझिटिव्ह रुग्ण आढळून आले आहेत. यामुळे एकूण पॉझिटिव रुग्णांची संख्या 1070 झाली आहे. दरम्यान 10 रुग्णांना बरे झाल्यानंतर घरी सोडण्यात आले. यामुळे बरे झालेल्या रुग्णांची संख्या 665 झाली आहे. आज बरे झालेल्यांमध्ये जिल्हा कोव्हीड रुग्णालय येथून 9, आणि 1 समाजकल्याण रत्नागिरी मधील आहेत.
पॉझिटिव्ह रुग्णांचे विवरण खालील प्रमाणे
घरडा, खेड 21 ( यामुळे घरडा केमिकल्स मधील एकूण पॉझिटिव्हची संख्या 81 झाली ) घुडेवठार, रत्नागिरी येथील 56 वर्षीय कोरोना रुग्णाचा मृत्यू झाला. सदर रुग्णाची बायपास सर्जरी झाली होती. उपचारा दरम्यान त्याचा मृत्यू झाला. दुसरा मृत्यू झालेला रुग्ण हा मिरजोळे, एमआयडीसी, रत्नागिरी येथून असून त्याचे वय 65 वर्षे होते. उपचार दरम्यान मृत्यू झाला. तर एक रुग्णाची माहिती अप्राप्त आहे. त्यामुळे कोरोना बाधित मृत्यूंची संख्या आता 37 झाली आहे.
सायंकाळची स्थिती खालीलप्रमाणे
एकूण पॉझिटिव्ह – 1070
बरे झालेले – 665
मृत्यू – 37
एकूण ॲक्टीव्ह पॉझिटिव्ह – 368
ॲक्टीव्ह कन्टेंनमेन्ट झोन
जिल्ह्यात सध्या 80ॲक्टीव्ह कन्टेन्मेंट झोन असून रत्नागिरी तालुक्यात 19 गावांमध्ये, दापोली मध्ये 10 गावांमध्ये, खेड मध्ये 21 गावांमध्ये, लांजा तालुक्यात 6, चिपळूण तालुक्यात 17 गावांमध्ये, मंडणगड तालुक्यात 3 आणि राजापूर तालुक्यात 4 गावांमध्ये कंटेन्मेंट झोन आहेत.
संस्थात्मक विलगीकरण
संस्थात्मक विलगीकरणात रुग्णालयांची स्थिती पुढीलप्रमाणे आहे. शासकीय सामान्य रुग्णालय, रत्नागिरी – 72, कोव्हीड केअर सेंटर, समाजकल्याण भवन, रत्नागिरी – 1, उपजिल्हा रुग्णालय, कामथे – 3, कोव्हीड केअर सेंटर पेढांबे 7, उपजिल्हा रुग्णालय, कळबणी – 2, कोव्हीड केअर सेंटर, घरडा, लवेल – 7, ग्रामीण रुग्णालय गुहागर-2, केकेव्ही, दापोली – 16 असे एकूण 110 संशयित कोरोना रुग्ण दाखल आहेत.
*होम क्वॉरंटाईन
मुंबईसह एम.एम.आर.क्षेत्र तसेच इतर जिल्हयातून आलेल्या व्यक्तींना होम क्वारंटाईन केले जाते. आज अखेर होम क्वारंटाईन खाली असणांरांची संख्या 10 हजार 721 इतकी आहे.
11 हजार पेक्षा जास्त निगेटिव्ह जिल्हा रुग्णालयामार्फत एकूण 13 हजार 056 नमुने तपासण्यात आले असून त्यापैकी 12 हजार 765 तपासणी अहवाल प्राप्त झाले आहेत. त्यातील 1070अहवाल पॉजिटीव्ह आले असून 11 हजार 704 अहवाल निगेटीव्ह आले आहेत. अजून 291 नमुन्यांचा अहवाल प्राप्त झालेला नाही. 291 रत्नागिरी येथील प्रयोगशाळेमध्ये प्रलंबित आहेत. यामध्ये घरडा केमिकल्सच्या खाजगी लॅबचे आकडे समाविष्ठ नाहीत. होम क्वारंटाईन म्हणून शिक्का मारलेला कोणीही इसम बाहेर फिरताना दिसल्यास त्याबाबतची माहिती जिल्हा नियंत्रण कक्षात ७०५७२२२२३३ हा व्हॉटसॲप क्रमांक, नियंत्रण कक्षाचे दूरध्वनी क्रमांक ०२३५२-२२२२३३ व २२६२४८, आपल्या नजीकच्या आरोग्य केंद्रात, पोलीस यंत्रणा अथवा ग्रामपातळीवर ग्राम कृति दलाना देण्याचे आवाहन जिल्हा प्रशासनाकडून करण्यात येत आहे. सदरची आकडेवारी जिल्हा सामान्य रुग्णालयातील कोव्हीड-19 कक्षाकडून प्राप्त झाली आहे. ही माहिती दि. 16 जुलै 2020 रोजी सायंकाळी 6 वाजेपर्यंतची आहे. यानंतर अहवाल प्राप्त झाल्यास यात बदल होवू शकतो. पुढील अपडेट मध्ये सकाळी 12 पूर्वी याची माहिती देण्यात येईल.
