मुंबई-गोवा महामार्गावर आग लागलेली बस देवगडला जाणारी
आज सकाळी संगमेश्वरनजिक मुंबई-गोवा महामार्गावर खाजगी बसला आग लागल्याने बस जळून मोठे नुकसान झाले. मात्र सुदैवाने आतील २५ प्रवासी सुखरूप बाहेर पडले, त्यामुळे प्राणहानी झाली नाही. ही बस विरारहून देवगडला जात होती. या गाडीत २५ प्रवासी होते. ही बस आज सकाळी ही बस संगमेश्वरनजिक पारेख पेट्रोलपंपाजवळ आली असता बसला अचानक आग लागली होती. ही बस मुंबईच्या साईसृती ट्रॅव्हल्सची होती. या बसच्या मागील टायरला अचानक आग लागली. बसच्या मागून येणार्या कारचालकाने पुढे येवून बसच्या चालकाला हा प्रकार सांगितल्यावर बस थांबविण्यात आली. गाडीतील प्रवाशांना तातडीने बाहेर काढण्यात आले. मात्र आग वाढल्याने काही प्रवाशांचे सामान जळून गेले. आजुबाजूच्या लोकांनी घटनास्थळी धाव घेवून ही आग विझविण्याचा प्रयत्न केला. रत्नागिरीहून अग्निशामक बोलावण्यात आला होता परंतु तोपर्यंत बस बर्याच प्रमाणात जळून गेली होती.
www.konkantoday.com
