चिपळूण हायटेक बस स्थानकाचे काम पावसाळ्यापूर्वी पूर्ण करा, मनसेच्या हमीद सय्यद यांची मागणी
चिपळुणातील हायटेक बसस्थानक इमारतीचे काम पावसाळ्यापूर्वी पूर्ण करावे व प्रवाशांना दिलासा द्वारा, अशी मागणी महाराष्ट्र नवनिर्माण सेनेचे चिपळूण उपतालुकाप्रमुख हमीद सय्यद यांनी केली आहे.सय्यद म्हणाले की, २०१८ पासून चिपळूण हायटेक बस स्थानकाचे काम संथगतीने सुरू आहे. २०१८ मध्ये आगाराची जुनी इमारत तोडण्यात आली. ठेकेदाराने कामात सातत्य ठेवले नाही. नंतर कामाची बिले निघत नसल्याचे कारण पुढे आले. हायटेक बसस्थानक इमारतीचा पाया पूर्णत्वास जायला तब्बल सहा वर्षे लागली. याचा फटका प्रवाशांना बसत असून नाहक त्रासाला सामोरे जावे लागत आहे. जुनी इमारत तोडल्याने स्थानकात प्रवाशांना बसण्यासाठी असलेली जागा अपुरी पडत आहे. त्यामुळे प्रवाशांना सध्या कडक उन्हात उभे रहावे लागत असून अंगाची लाहीलाही होत आहे. त्यामुळे प्रवासी वर्गाकडून तीव्र संताप व्यक्त होत असल्याचे सांगतानाच हायटेक बसस्थानकाचे काम कधी पूर्ण होणार असा सवाल सय्यद यांनी उपस्थित केला आहे.www.konkantoday.com