भाट्ये पुलावर टेंपो ट्रॅव्हलने धडक दिल्याने महिला जखमी

रत्नागिरी शहराजवळील भाट्ये पुलाजवळ रस्ता ओलांडणार्‍या रंजना कदम या महिलेला टेंपो ट्रॅव्हलने धडक दिल्याने ही महिला जखमी झाली. यातील फिर्यादी नेहा शिंदे या आपल्या गाडीवरून आपली मावशी रंजना कदम यांना घेवून पावस ते रत्नागिरी रोडने जात असताना भाट्ये पुलाजवळ त्यांनी आपली गाडी उभी केली. यावेळी त्यांच्या मावशी रंजना कदम या पुलाच्या पलिकडे जावून उभ्या राहिल्या. फिर्यादी या त्यांचे तेथून फोटो काढीत होते. फोटो काढून झाल्यानंतर कदम या रस्ता ओलांडून परत येत असता रस्त्यावरून येणार्‍या टेम्पो ट्रॅव्हलने त्यांना धडक दिली. त्यामुळे त्यांच्या हातापायाला दुखापत झाली. त्यांना रूग्णालयात दाखल करण्यात आले. याबाबत टेंपो चालक मुरकर याच्याविरोधात पोलिसांनी गुन्हा दाखल केला.
www.konkantoday.com