रत्नागिरी शहरातील नर्सवर झालेल्या अत्याचार प्रकरणी तपास अंतिम टप्प्यात, लवकरच उलगडा होणार.

रत्नागिरी शहराजवळील चंपक मैदान येथे घडलेल्या आणि पोलिसांत दाखल झालेल्या अत्याचार प्रकरणाचा सुरू असलेला सखोल तपास आता अंतिम टप्प्यात आला आहे. येत्या आठवडाभरात या प्रकरणी फॉरेन्सिक लॅबचा अहवाल येताच योग्य ते सत्य समोर ठेवले जाईल, असे वरिष्ठ पोलीस अधिकार्‍यांकडून सांगण्यात आले. शहरानजिकच्या चंपक मैदानावरील अत्याचार प्रकरणाने सार्‍या रत्नागिरीत मोठी खळबळ उडवून दिली. प्रकरणाचा अद्यापपर्यंत उलगडा झालेला नाही. मात्र आजही या प्रकरणामध्ये दडलेले गूढ काय समोर येते, याकडे सार्‍यांचे लक्ष वेधले आहे. या घटनेनंतर उलटसुलट चर्चांनाही उधाण आले होते. पण पोलिसांच्या तपासातून काय समोर येणार, याची आजही सार्‍यांनाच प्रतीक्षा लागून राहिली आहे.चंपक मैदानावरील त्या अत्याचार प्रकरणाला सुमारे एक महिना होत आला आहे. हा प्रकार पुढे आल्यानंतर रत्नागिरीत तीव्र नाराजी व्यक्त केली जात होती. मुलींच्या सुरक्षेवर प्रश्‍नचिन्ह निर्माण झाले होते. पोलिसांनी पीडीत मुलीचा जबाब न्यायालयासमोर नोंदवण्यासाठीची मागणी केली होती. www.konkantoday.com