सिंधुदुर्ग जिल्ह्यात आज नव्याने 13 कोरोना अहवाल पॉझिटिव्ह
सिंधुदुर्ग जिल्हा सामान्य रुग्णालयास आज प्राप्त झालेल्या 133 कोरोना तपासणी अहवालापैकी 14 अहवाल पॉजिटीव्ह आले आहेत. तथापी यामध्ये पुर्वी कोरोना बाधित आढळलेल्या व्यक्तीचा अहवाल रिपीट झाला आहे. त्यानुसार जिल्ह्यात नव्याने एकुण 13 रुग्ण कोरोना बाधित आढळले आहेत. तर 119 अहवाल निगेटीव्ह आले आहेत.आज पॉजिटीव्ह आलेल्या रुग्णांमध्ये 17 महिन्याच्या एका बाळाचा समावेश आहे. त्यानुसार जिल्ह्यातील कोरोना बाधित रुग्णांची संख्या 69 झाली आहे.तर आतापर्यंत 7 रुग्णांना बरे झाल्यामुळे घरी सोडण्यात आले आहे.जिल्ह्यात सध्या कणकवली तालुक्यातील शिवडाव, डामरे, मौजे वारगाव येथील धुमकवाडी, मौजे हरकुळ बुद्रुक येथील कांबळेवाडी, आईनतळवाडी, व्हावटवाडी, मौजे बीडवाडी येथील बीडवाडी हायस्कुल व आवार, मौजे कासार्डे येथील धुमाळवाडी, मौजे हरकुळ खुर्द येथील गावठण, तांबळवाडी, वरचीवाडी, गायकवाडवाडी, मौजे बावशी येथील शेळीचीवाडी, मौजे पियाळी येथील गावठण, नाटळ येथील हायस्कुलची दुमजली इमारत, वैभववाडी तालुक्यातील मौजे तिरवडे तर्फ सौंदळ गावातील घागरेवाडी, मौजे कोळपे व मेहबुबनगर, ब्राह्मणदेववाडी, आणि उंबर्डे, सावंतवाडी तालुक्यातील कारिवडे, मौजे माडखोल येथील बामणादेवीवाडी, कुडाळ तालुक्यातील पणदूर – मयेकरवाडी, मालवण तालुक्यातील हिवाळे, सुकळवाड येथील राऊळवाडी व ठाकरवाडी असे कंटेन्मेंट झोन आहेत. आज नव्याने कोरोनाबाधित आढळलेल्या रुग्णांच्या अनुषंगाने कंटेन्मेंट झोन तयार करण्याची कार्यवाही सुरु आहे.
www.konkantoday.com
