दापोली-फणसू पंचक्रोशीत बिबट्याचा धुमाकूळ

दापोली-फणसू पंचक्रोशीमध्ये बिबट्याने धुमाकूळ घातला असून त्यामुळे शेतकरी वर्गात भीतीचे वातावरण आहे. अनेकांना दिवसाढवळ्याही बिबट्याचे दर्शन होत आहे. याशिवाय शेतकर्‍यांची जनावरे बिबट्याकडून मारले जाण्याचे प्रकारही घडत आहेत. काही दिवसांपूर्वी उन्हवरे येथील सुनिल कदम या शेतकर्‍याच्या बैलावर बिबट्याने हल्ला केला होता. त्यात तो मरण पावला होता. दापोली तालुक्यातील कांढे येथील शेतकरी मंगेश पालशेतकर यांच्या गाईवर बिबट्याने हल्ला करण्याचा प्रकार घडला आहे. याशिवाय हरारे मोगरेवाडी येथे कॉरंटाईन करून ठेवलेल्या चाकरमान्यांनाही बिबट्याने दर्शन दिल्याने त्यांच्यातही भीतीचे वातावरण पसरले आहे.
www.konkantoday.com