देवरूख, खेड, चिपळूण येथील चार शेतकर्‍यांची दीडशे टन कलिंगडे दुबईमध्ये
हापूसनंतर आता रत्नागिरीतील
कलिंगडेही परदेशात निर्यात होऊ लागली आहेत. देवरूख, खेड, चिपळूण येथील चार शेतकर्‍यांनी दीडशे टन कलिंगडाची निर्यात दुबईमध्ये केली आहे. कलिंगडालाही परदेशी चलन मिळू लागले असून गिरीश सिमॉन्स कलिंगडाच्या दोन जातींना परदेशात मोठी मागणी आहे.
गतवर्षी संगमेश्‍वर तालुक्यातील धामणी येथील शेतकर्‍यांनी एकत्र येवून कलिंगडाची निर्यात केली होती. त्यानंतर यावर्षी देवरूखमधील सचिन जाधव, श्री. बडद, खेडमधील इंदुलकर तर आंबडसमधील हेमंत कदम यांच्या शेतातील कलिंगडाची निर्यात झाली आहे. एबीपी एक्झॉटिक पाटण यांच्यामार्फत शेतकर्‍यांना शेतीबरोबर निर्याती संदर्भात मार्गदर्शन केले जात असून खत, बियाण्यांचा पुरवठा केला जातो.
www.konkantoday.com
