ओणी-अणुस्कुरा मार्गावर खड्डे येळवण ते खडीकोळवण दरम्यान एका ठिकाणी रस्ताच खचल्याने वाहतुकीला अडथळा anuskura ghat

ओणी अणुस्कुरा मार्गावर ठिकठिकाणी खड्डे पडले असतानाच येळवण ते खडीकोळवण दरम्यान एका ठिकाणी रस्ताच खचल्याने वाहतुकीला अडथळा निर्माण झाला आहे. पावसाळ्यात या महत्वपूर्ण अशा मार्गावर काही ठिकाणी खड्ड्यांचे साम्राज्य पसरले आहे. त्यामध्ये सौंदळ, रायपाटण, पाचल यांचा समावेश आहे. या मार्गावर एवढे खड्डे पडले आहेत की ते चुकविताना वाहनचालकांची कसरत होत आहे. ओणी गोरूलेवाडी येथील मारूतीच्या मंदिराजवळ नव्याने बांधलेल्या पुलाच्या दोन्ही बाजूचे भराव खचल्याने तेथे खड्डे पडले आहेत. रायपाटणसह पाचलमध्ये खड्ड्यांचे साम्राज्य पहावयास मिळत आहे. www.konkantoday.com