नाचणे येथे गुरूपौर्णिमा साजरी
रत्नागिरी : शहरातील नाचणे साळवी स्टॉप येथील ओम साई मित्र मंडळ संचलित ओम साई योग कक्षाच्यावतीने गुरुपौर्णिमा उत्सव विविधांगी आध्यात्मिक आणि सांस्कृतिक उपक्रमांनी साजरा करण्यात आला.
शहरातील नाचणे साळवी स्टॉप येथील ओम साई मित्र मंडळाच्या सभागृहात ओम साई योग कक्षाच्यावतीने ही गुरुपौर्णिमा साजरी करण्यात आली. या योग कक्षेच्यावतीने प्राणायाम आणि योगासन वर्ग उपक्रम मोफत घेण्यात येतो. गेली पंधरा वर्ष हा उपक्रम अविरतपणे सातत्याने सुरू आहे. पतंजली समिती योगगुरू प. पू. रामदेव बाबा व आचार्य बाळकृष्ण महाराज यांच्या मार्गदर्शक सूचनेनुसार या गुरुपौर्णिमेनिमित्त यज्ञ अग्निहोत्र यावेळी केंद्रात करण्यात आला. या योगकक्षेचे केंद्रप्रमुख अनंत आगाशे यांच्या हस्ते हा अग्निहोत्र विधी पार पडला. या प्राणायाम योगावर्गाचा लाभ घेण्याचे आवाहन ओमसाई योगकक्षेचे प्रमुख केंद्र संयोजक अनंत आगाशे यांनी शेवटी केले. समीर भाटवडेकर, संजय सुर्वे, पांडुरंग जाधव, सोपान दशवंतराव, प्रकाश मुणगेकर, जगदीश कदम, मीरा केळकर, वैशाली दळी, प्रज्ञा जाधव, नम्रता दशवंतराव, समिधा सुर्वे, पल्लवी शेट्ये, नीता यादव, श्रद्धा करकरे, जान्हवी शिंगाई यांच्यासह सर्व साधकांनी सहभाग घेतला.
