ग्रामस्थांचा अनोखा निर्णय; सावर्डे परीसरातील 22 गावात दारू विक्री बंद
कोकणातील चिपळूण तालुक्यातील सावर्डे परीसरातील 22 गावांनी दारु बंदचा ठराव करुन गावात दारु विक्री बंद केली
दहिवली बुदृक या गावात ग्राम दैवत वरदान मानाईच्या मंदिरात ग्रामस्थांनी एकत्रित येउन ग्रामदेवतेच्या साक्षीने गावात दारुबंदी संकल्पना राबविली. तर गावच्या ग्रामपंचायतीमधील सदस्य व महात्मा गांधी तंटामुक्त समिती यांच्या संगमताने दहिवली बुद्रुक ग्रामपंचायत हद्दीमध्ये कायमस्वरूपी दारूबंदी एकमुखी ठराव करण्यात आला. या सभांना गावातील अवैध दारूविक्री,हातभट्टी दारु व्यवसायिकांना बोलवून त्यांनाही याची कल्पना देण्यात आली. त्यांनीही गावात संपूर्ण दारूबंदी करण्यासाठी सहकार्य करण्याचे सांगितले असून दहिवली बुद्रुक ग्रामपंचायत हद्दीमध्ये कायमस्वरूपी दारूबंदी करण्याचे ठरविण्यात आले.या ठरावाची अंमलबजावणी म्हणून गावच्या सरपंच,ग्रामपंचायत सदस्य तसेच तंटामुक्त समितीचे सर्व सदस्य यांनी एक निवेदन तयार करून सावर्डे पोलीस ठाण्याचे पोलीस उपनिरीक्षक गायकवाड यांना दिले. तसेच गावामध्ये अवैध दारूविक्री व्यवसाय व हातभट्टी व्यवसाय करणार्या व्यावसायिकांना वैयक्तिक नोटीस पाठवून अवैध होणारी दारू विक्री कायमस्वरूपी बंद करण्यात आली.
www.konkantoday.com
