पूर्वीच्या बिलावर आधारित सरासरी बिल आकारण्याचा निर्णय हा चुकीचा
महावितरण कंपनीने लाँकडाऊन काळात रिडींग घेणे शक्य नसल्याने सरासरी शुल्क आकारण्याचा घेतलेला निर्णय सरासर चुकीचा आहे. यावर उपाय म्हणून त्यांनी वितरण कंपनीचा अँप डाऊनलोड करून आपलं रिडींग कळविण्याचा पर्याय दिलेला आहे. हा पर्याय किती टक्के लोकांना शक्य आहे. ग्रामीण भागात तर कनेक्टिव्हिटीची मोठी समस्या आहे.तिथ अँपच लोड होणार नाही. दुसरा महत्त्वाचा विषय म्हणजे काही अत्यावश्यक सेवा सोडल्यास इतर अनेक आस्थापना,दुकाने,बेकरी, कोल्ड्रिंक्स हाऊस तसेच छोटे मोठे उद्योग, कारखाने पूर्णपणे बंद आहेत. त्यामुळे वीज वापरण्याचा प्रश्नच येत नाही. मग अशावेळी कोणतही रिडींग न घेता पूर्वीच्या बिलावर आधारित सरासरी बिल आकारण्याचा निर्णय हा चुकीचा आणि वीजग्राहकावर अन्याय करणारा आहे.
www.konkantoday.com
