किंग्स इलेव्हन पंजाबच्या चाचणी स्पर्धेसाठी लांजाच्या सिद्धेश गुरवची निवड

क्रिकेटची २०-२० स्पर्धा जन्माला घातलेल्या आयपीएल अर्थात इंडियन प्रिमीयर लिग मध्ये सहभागी असलेल्या किंग्ज इलेव्हन पंजाब या क्रिकेट मालकी संघाने प्रथमच युवा आणि प्रतिभावान क्रिकेट खेळाडूंची शोध मोहिम हाती घेतली आहे. ही शोधमोहिम व निवड चाचणी स्पर्धा नुकतीच नाशिक येथे पार पडली. या निवड चाचणीमध्ये संपूर्ण देशभरातून क्रिकेट खेळाडू सहभागी झाले होते. त्यातून केवळ १२० युवा क्रिकेटपट्टूंची निवड करण्यात आली होती. यामध्ये महाराष्ट्र राज्यातून १५ खेळाडूंची निवड झाली आहे. या पंधरा खेळाडूंमध्ये लांजा तालुक्यातील गोळवशी गावचा सुपुत्र असलेल्या युवा क्रिकेटपट्टू सिध्देश गुरव याची निवड झाली आहे.
www.konkantoday.com