चिपळूण तालुक्यातील पेढे येथे २ जूनला कोकण पर्यावरण, पर्यटन परिषदेचे आयोजन

चिपळूणस्थित कोकणभर विशेषत्वाने पर्यावरण, पर्यटन क्षेत्रात ठोस काम करणार्‍या व्यक्ती, संस्था यांच्यातर्फे दि. २ जून रोजी सकाळी ९.३० ते दुपारी २.३० वाजेपर्यंत चिपळूण तालुक्यातील पेढे येथील श्री परशुराम निसर्ग पर्यटन केंद्र येथे कोकण पर्यावरण पर्यटन परिषद व कार्यकर्ता सन्मान सोहोळ्याचे आयोजन करण्यात आले आहे.या परिषदेत कोकण पर्यावरण पर्यटन परिषद व विलास महाडीक गुरूजी सेवापूर्ती सन्मान सोहोळा आमदार शेखर निकम यांच्या हस्ते पार पडणार आहे. तसेच सकाळी ९ वा. नाव नोंदणी, चहापान व न्याहरी, सकाळी १० वा. कार्यकर्ता सन्मान सोहोळा, सकाळी ११ वा. पर्यावरण, पर्यटन परिषद, दुपारी १ वा. खुली चर्चा, समारोप व सहभोजन आदी कार्यक्रम होणार आहेत. या परिषदेसाठी महाराष्ट्र शासनाचा वनश्री पुरस्कार प्राप्त पुणे येथील महेंद्र घागरे, कोकण भूमी कृषि पर्यटन सहकारी पर्यटन संस्थेच्या सचिव डॉ. मीनल ओक, रत्नागिरी पर्यटन सहकारी सेवा संस्थेचे अध्यक्ष राजू भाटलेकर, परशुराम येथील श्री भार्गवराम संस्थानचे विश्‍वस्त डॉ. प्रशांत पटवर्धन, निसर्ग व सामाजिक पर्यावरण प्रदूषण मंडळाचे सचिव धीरज वाटेकर, शिरवली येथील नंदूचे जंगलचे संचालक नंदू तांब आदी मान्यवर उपस्थित राहणार आहेत. www.konkantoday.com