दाभोळे पुलावरून मोटरसायकलस्वार कोसळल्याने मृत्यूमुखी

इचलकरंजीवरून गणपतीपुळे येथे जाणार्‍या मोटरसायकलस्वाराचा मोटरसायकलवरील ताबा सुटल्याने मोटरसायकलसह पुलावरून खाली कोसळल्याने त्याचा मृत्यू झाला. यामध्ये मृत झालेल्याचे भुषण संजय माळगे (२३, रा. इचलकरंजी) असे नाव आहे. यातील भुषण हा आपला सहकारी विशाल धुळगुडे याला घेवून इचलकरंजीवरून गणपतीपुळे येथे मोटरसायकलने येत होता. दाभोळे गावी पुलाजवळ वळणाच्या रस्त्यावर त्याचा मोटरसायकलवरील ताबा सुटला आणि ते पुलावरून खाली कोसळले. यात भुषण हा मृत्यूमुखी पडला तर विशाल धुळगुडे हा जखमी झाला आहे.
www.konkantoday.com