कोकण रेल्वे मधून दीड लाख रुपये ऐवज असलेली महिलेची बॅग चोरली

कोकण रेल्वेच्या चालत्या गाडीमधून दीड लाख रुपये ऐवज असलेली प्रवासी महिलेची बॅग अज्ञात चोरट्याने हिसकावून चोरून नेण्याचा प्रकार घडला.मुंबई वरळी येथील राहणाऱ्या लोटिडा फर्नांडिस या उडपी रेल्वे स्थानकातून मुंबईकडे जाण्यासाठी मुंबई एक्स्प्रेस या ट्रेनमधून निघाल्या होत्या त्यांची गाडी रत्नागिरी स्थानकाजवळ आली असता गाडीचा वेग कमी झाल्याने अज्ञात चोरट्याने फिर्यादी फर्नांडिस यांच्या जवळ ठेवलेली बॅग खेचून घेऊन तो चालत्या रेल्वेतून फरार झाला.या बॅगेत सोन्याचे दागिने, रोख रक्कम, मोबाइल असा दीड लाख रुपयांचा ऐवज होता. हा प्रकार पहाटे पाच वाजता घडला फर्नांडिस यांनी रत्नागिरी पोलीस स्थानकात तक्रार दाखल केली आहे.
www.konkantoday.com