फास्ट फूड व्यवसाय विषयक मोफत प्रशिक्षण घेण्याची सुवर्णसंधी

बँक ऑफ इंडिया पुरस्कृत स्टार स्वरोजगार प्रशिक्षण संस्था रत्नागिरी यांचेमार्फत दिनांक २७/१०/२०२० ते ०५/११/२०२० या १० दिवसांच्या कालावधीत फास्ट फूड विषयाचे मोफत प्रशिक्षण आयोजित करण्यात आले आहे. या प्रशिक्षणात, दाबेली, पाव भाजी, गोबी मन्चुरिअन, रगडाकोन, भेळ, शेवबटाटापुरी, उत्तप्पा, डोसा, मेदू वडा, सॅडविच, व्हेज फ्राईड राईस, व्हेज सूप, केकचे विविध प्रकार, चॉकलेटचे विविध प्रकार, नानकटाई इ. प्रकार प्रात्यक्षिकासह शिकविले जाणार आहेत. सदर प्रशिक्षण हे मोफत असून चहा नाष्टा जेवण व्यवस्था विनामूल्य करण्यात आली आहे. प्रशिक्षणासाठी दिनांक २२/१०/२०२० पर्यंत नोंदणी केली जाईल. सदर प्रशिक्षणासाठी १८ ते ४५ वयोगटातील रत्नागिरी जिल्यातील दारिद्रय रेषेखालील व्यक्ती किंवा उमेद पुरस्कृत बचत गटातील महिला किंवा त्यांच्या कुटुंबातील सदस्य या प्रशिक्षणासाठी अर्ज करू शकतात. प्रशिक्षणासाठी २० प्रशिक्षणार्थीची निवड करण्यात येणार आहे. व्यवसाय सुरु करू इच्छिणाऱ्या प्रशिक्षणार्थीना प्राधान्य असेल. अर्ज भरण्यासाठी येताना १ फोटो, आधारकार्ड झेरॉक्स, रेशन कार्ड झेरॉक्स उमेद पुरस्कृत बचत गटातील महिला किंवा त्यांचा कुटुंबातील सदस्य असल्यास उमेद अभियान यांचेमार्फत देण्यात येणारे शिफारस पत्र, दारिद्रय रेषेखाली नाव असल्यास दारिद्रय रेषेखाली असल्याचा दाखला कार्यालयीन वेळेत घेवून येणे.
कार्यालयाचा पत्ता – स्टार स्वरोजगार प्रशिक्षण संस्था, अष्टविनायक सोसायटीच्या बाजूला, साई नगर, आर.टी.ओ. रोड, कुवारबाव. रत्नागिरी. मोबाईल क्र. ९८३४०१५५२२
www.konkantoday.com